ಎಲ್ಲ ಮರೆತಿರುವಾಗ...

Tuesday, February 12, 2008

ಕಾಡುವ ಪ್ರಶ್ನೆ.

ನಿಮಗೂ ಅನುಭವ ಆಗಿರಬಹುದು,ದಿನವೂ ಭೇಟಿಯಾಗುವ ನಿಮ್ಮ ಮ್ಯಾನೇಜರ್, ಆಗೊಮ್ಮೆ ಈಗೊಮ್ಮೆ ರಸ್ತೆಗಳಲ್ಲಿ ಸಿಗುವ ಪೋಲಿಸ್, ನಿಮ್ಮ ರಸ್ತೆಯ ಲೋಕಲ್ ರೌಡಿ,ಯಾವುದೊ ಗಲಾಟೆಯಲ್ಲಿ ಕಾಣಿಸಿಕೊಳ್ಳುವ ರಾಜಕಾರಣಿಯ ಮಗ, ಹೀಗೆ ಯಾರೊ ಒಬ್ಬರು ಅಥವ ಎಲ್ಲರೂ ಒಮ್ಮೆಯಾದರು ಹೀಗೆ ಕೇಳಿದ್ದಾರ?

ನಾನು ಯಾರು ಗೊತ್ತಾ...?

ನೀವೇನು ಉತ್ತರಿಸುತ್ತೀರೊ ಗೊತ್ತಿಲ್ಲ.!!ನನಗೇನೊ ಹೀಗೆ ಉತ್ತರಿಸಬೇಕು ಅನಿಸುತ್ತಿದೆ.

"ನನಗೆ ನಾನೇ ಯಾರು ಅಂತ ಗೊತ್ತಿಲ್ಲ .!!ನೀವು ಯಾರು ಅಂತ ಹೇಗ್ರಿ ಹೇಳಲಿ?

ನೋಡಿ, ನನಗೆ ನನ್ನ ಮೇಲೆ ತುಂಬ ಆಸಕ್ತಿ. ನಾನು ಯಾರು ಅಂತ ತಿಳಿದುಕೊಳ್ಳೋ ಕುತೂಹಲ. ತುಂಬ ವರುಷಗಳಿಂದಲೂ ನನಗೆ ನಾನೇ ಕೇಳಿಕೊಂಡಿರೊ ಪ್ರಶ್ನೆ ಇದು. ಇನ್ನೂ ಉತ್ತರ ಸಿಕ್ಕಿಲ್ಲ. ಹೀಗೆ ಧಿಡೀರ್ ಅಂತ ಸಿಕ್ಕಿ, ನಾನು ಯಾರು ಅಂದ್ರೆ??....ನೀವೇ ಹೇಳಿ."

"ನಾನು ಮ್ಯಾನೇಜರ್"

"ನಾನು ಏರಿಯಾ ಇನ್ಸ್ಪೆಕ್ಟರ್"

"ನಾನು ರೋಡ್ ದಾದಾ"

"ನಾನು ಎಮ್.ಎಲ್.. ಮಗ"

ಹೀಗೆ ಇವರೆಲ್ಲಾ ಹತ್ತಾರು ಉತ್ತರ ಕೊಟ್ಟು ಮುಂದೆ ಹೋಗಬಹುದು.

ಇವರೆಲ್ಲರೂ ಹೇಳಿರೋದು ಕೇವಲ ಅವರ ಪೋಸಿಷನ್ ಗಳು ಅಲ್ವಾ?

ಒಂದು ವ್ಯಕ್ತಿ ಅಂದ್ರೆ ಕೇವಲ ಒಂದು ಪೋಸಿಷನ್ನ...?

ನಾವು ಕೂಡ ಬೇರೆಯವರ ಬಗ್ಗೆ ಹೇಳೋಲ್ವ?

"ಅವನು ಬಿಡು ಡ್ರೈವರ್,"

" ಭಿಕ್ಷುಕ ಇದಾನಲ್ಲ"

"ಕೊನೆ ಅಂಗಡಿ ಚಪ್ಲಿ ಹೊಲೆಯುವವನು"

"ಮುಂಜಾನೆ ಬರೋ ಮುನಿಸಿಪಾಲಿಟಿಯವ."

ಮತ್ತದೇ....ಪೋಸಿಷನ್ನ..?

ಹೀಗೆಲ್ಲ ಅನಿಸಿದ್ಹು ಮೊನ್ನೆ ಗೆಳೆಯನೊಬ್ಬ ಎಸ್.ಎಮ್.ಎಸ್ ಕಳಿಸಿದ ಮೇಲೆ. ಅದು ಹೀಗಿತ್ತು.

“Lets never be proud nor depressed for what we are and which position we hold. Remember, after the game is over, king and the pawns go in to the same box!”

ನಿಜ.. ಅಲ್ವಾ??

ಛೇ!! ನಾಲ್ಕು ತಿಂಗಳಿಂದ ನಮ್ಮನೆ ಕೆಲ್ಸಕ್ಕೆ ಬರೊ ಹೆಂಗ್ಸಿನ ಹೆಸ್ರೇ ಕೇಳಿಲ್ವಲ್ಲಾ!! ನಾಳೆಯಾದ್ರೂ ಕೇಳಿ ತಿಳ್ಕೋಬೇಕು...

1 comment:

Sandeepa said...

hmm.. well..

ಹೆಸ್ರು ಅವ್ರ ಹುದ್ದೆಗಿಂತ ಬೇರೆ ಹೌದು.
ವ್ಯಕ್ತಿ ಅಂದ್ರೆ ಬರೀ ಹೆಸ್ರೇನು ಅಲ್ದಲಾ!!

ವಿಷ್ಯ ಸರಿ ಇದ್ದು ಅನ್ನು..